139

૧૩૯ - ઈસુના પ્રગટ થવાની આશા

૧૩૯ - ઈસુના પ્રગટ થવાની આશા

	સત્તાવીસી કે શરણાગર
કર્તા:	જે. વી. એસ. ટેલર
૧	પ્રગટ થશે રે ઈસુ કયારે ? કયારે પ્રભુ દેખાય?
	કયારે ઉદય થયાને કાજે ઉગમણ લાલ જણાય?
	વાટ ઘણી અમ જોતાં બેઠા, જાગ્યા આખી રાત,
	કયારે બૂમ પડે કે આવ્યો ભક્ત તણો શુભ નાથ?
૨	એક પછી બીજો પરલોકે, સ્નેહી એકે એક;
	સંગ વિના અમ એકલવાસે ખિન્ન છિયે, વિણ ટેક.
	મિત્ર ગયા ત્યાં રાત નથી રે, કળિયે એ રાત વેણ,
	તોય વિજોગપણાને દુ:ખ બેઠા આકી રેણ.
૩	હમણાં રજની છે બહુ કાળી, દુ:ખ ઘણું ને શોક,
	છે સંદેહ ઘણા મન માંહે જાણે આશા ફોડ.
	તન મનનો એ થાક ઘણો છે, જોતાં પ્રભુની વાટ;
	મુખ વિકરાળ કરીને રહે છે, ચોગરદા ગભરાટ.
૪	અરે પ્રભાત તણા શુભ તારા, તારી જોત જણાવ;
	તુજ ઉપકીર્ણ તણે અજવાળે માન્ય થશે અમ ભાવ.
	સૂર્ય તણા પરિપૂર્ણ પ્રકાશે તૃપ્ત થશે અમ આશા,
	ત્યાં લગ કંઈ અંધાર દબાવી આપો અલ્પ પ્રકાશ.
૫	હે પ્રભુ, વાક્ય ખરું છે તારું, "વીતી રાત જનાર;
	અજવાળાની જીત થવાની, ધન્ય પ્રભાત થનાર."
	વેણે જશે ન વ્યર્થ એ જાણી ધરીએ દઢ વિશ્વાસ;
	આ સુખદેણ વચનમાં હર્ખી નહિ તજીએ શુભ આશ.