112

૧૧૨ - ઈસુ મારે માટે મર્યો

૧૧૨ - ઈસુ મારે માટે મર્યો

	ગઝલ
કર્તા :	કા. મા. રત્નગ્રહી
ટેક :	મુજ પાપ શ્રાપ વિદારવા ઈસુ ગયો મરી;
	મહા દંડ સહ્યો અંગમાં તેણે દયા કરી.
૧	દુ:ખો વિચારું તેહનાં ને વેદના બધી;
	વહે છે નીર ચક્ષુથી, ગયો પ્રભુ મરી. મુજ.
૨	પ્યાલો હતો કડવો ઘણો, પ્રભુના કોપનો;
	રે ! પી ગયો તું સર્વ એ, બધો જરેજરી. મુજ.
૩	ગજબ ભારી એ હતો, દીસો છે એ નક્કી;
	પડયો પસીનો રક્તનો, તુજ અંગથી ઝરી. મુજ.
૪	ધિક્કાર તેં સહ્યો ઘણો, ને મારે આકરો;
	સહનતા બહુ દાખવી, બસ મૌન તેં ધરી. મુજ.
૫	ખીલાની તીક્ષ્ણ ધારથી વીંધાયાં તારાં અંગ;
	તુજ ઘાઓથી રુધિરની ધારાઓ નીસરી. મુજ.
૬	જોઈ અનુપમ પ્રેમને, કરું છું તારી પ્રીત;
	ચહું ન પાપો હું કદા હવે, પ્રભુ, ફરી. મુજ.